Ekzekutimi i Kastriot Reçit/ Policia shoqëron 6 persona, ende nuk dihet autori
Ekzekutimi i biznesmenit Kastriot Reçi vijon të jetë ende pa autor.
47-vjeçari, i cili ishte edhe pronar i televizonit “Media Plus”, u vra me snajper në qendër të Rrëshenit mesditën e të martës.
Deri tani, policia ka shoqëruar 6 persona për t’i marrë në pyetje për ngjarjen, por akoma nuk ka të dhëna se kush është autori.
Pista e vetme që po vazhdon të hetohet është hakmarrja, pasi Reçit i kishin vrarë edhe të vëllanë Gasper Reçi në Itali në 27 prill të vitit 2017.
Kastriot Reçit iu bë atentat nga 150 metra largësi, nga ku u qëllua me një plumb në zemër, fakt i cili u konfirmua nga Spitali i Rrëshenit. Biznesmeni u ekzekutua në Rrëshen në hyrje të një lokali rreth orës 11:05 të së martës, ndërsa mësohet se në momentin e ngjarjes ai shoqërohej nga vëllai i tij.
