Edmond Panariti nuk do të jetë më pjesë e Lëvizjes Socialiste për Integrim. Lajmin e dha vetë ish-ministri në një postim në “Facebook”.
Panariti tregoi se kjo ndarje vjen për shkak të një detyre tjetër që do të nisë. Mësohet se ai do të marrë një post të ri në Presidencë.
Ai nuk la pa falenderuar kolegët me të cilët ka punuar për 16 vjet me radhë.
“Që nga dita e sotme kam vendosur të ndërpres angazhimin tim si pjesë e strukturave të Lëvizjes Socialiste për Integrim, për shkak të një ftese për tu angazhuar në një detyrë të rëndësishme. Me këtë rast më lejoni t’ju falenderoj përzemërsisht për këtë rrugëtim 16 vjeçar të përbashkët, plot sfida, sakrifica dhe arritje. Duke ju shprehur mirënjohje dhe falenderim për miqësinë vlerësimin dhe mbështetjen, ju siguroj që do të mbetem miku juaj përherë.”
