Dy aktorët e dashur për publikun, Özge Yağız dhe Halit Özgür Sarı, janë rikthyer sërish në qendër të vëmendjes së mediave rozë.
Dyshja, e njohur gjatë xhirimeve të serialit “Safir”, i cili transmetohet çdo ditë në Vizion Plus, së fundmi u përfolën se mund të jenë në një lidhje dashurore.
Lexo edhe :
Aktorja Yağız theu heshtjen me një reagim jo të drejtpërdrejtë, por plot humor në rrjetet e saj sociale.
Ajo publikoi një foto të një filxhani, ku shkruhej fraza “Vidi Vidi Etma”, duke mos përmendur asnjë emër, por duke lënë hapësirë për interpretime.
Ky postim u përhap shpejt në rrjetet sociale. Edhe pse aktorja nuk mohoi dhe as konfirmoi zërat për një lidhje me Halit Özgür Sarı, gjesti i saj u interpretua nga mediat turke si një reagim i koduar ndaj thashethemeve, që shtoi kuriozitetin rreth raportit të tyre.
Ndërkohë vetëm pak ditë më parë u përfol se aktorja Özge Yağız i dha fund marrëdhënies me Burak Berkay Akgül, pasi dyshja kanë fshirë të gjitha fotot që kanë pasur në rrjetet sociale së bashku.
Özge Yağız dhe Halit Özgür Sarı vazhdojnë të mbajnë miliona shikues pas ekranit të Vizion Plus me performancat e tyre në serialin “Safir”.
Seriali “Safir” transmetohet çdo mbrëmje në 20:15 në Vizion Plus. Ky serial turk, i nominuar për International Emmy, rrëfen dashuri të ndaluar, sakrificë dhe konfliktet familjare.
