Takimi informal i disa prej figurave më të rëndësishme brenda PD-së në një kafe në Tiranë ishte kryefjala e diskutimeve në opinionin publik këtë të enjte.
I ftuar në studion e Quo Vadis të moderatores Pranvera Borakaj në Vizion Plus, avokati Kujtim Ibraj theksoi se ky takim është një nga lëvizjet më të forta politike.
Sipas tij, kafja “informale” mes Ervin Salianjit, Tedi Koplikut, Aulon Kalasë, Hysen Kadiut dhe Ilir Alimehmetit, të cilët kanë qenë më të votuarit në primare, do të prodhojë një nga lëvizjet më të forta në PD.
Pjesë nga biseda:
Ibraj: Mendoj se takimi i sotëm i Salianjit do të jetë një nga lëvizjet më të forta politike. Mungon vetëm Besarti ose ndonjë djalë i ri. Ajo që më intrigoi ishte pse pikërisht këta persona? Çfarë ishte ky takim i këtyre personave që ishin më të votuarit, të gjithë figura të reja? Kjo lëvizje më lë një shije të mirë.
Muça: Po mund të jenë edhe në shërbim të Edi Ramës.
Ibraj: Kjo lëvizje më jep një frymë se do të lëvizë diçka.
Borakaj: Një Foltore 2?
Ibraj: Foltore 3 tashmë. Besoj se këta djem me këtë lëvizje do të marrin…
Topalli: Kush do bëhet kryetar?
Ibraj: Njëri nga këta bashkë me Besartin. Unë mendoj se kjo lëvizje do të japë rezultat nga pranvera.
Borakaj: Ke indicie?
Ibraj: Po. Ilir Alimehmeti ka disa herë që është shprehur.
