Dy të vdekur në aksident, makina del nga rruga nga shpejtësia

Dy persona humben jetën, ndërsa dy të tjerë mbetën të plagosur në një aksident në aksin rrugor Fushë Kruje – Thumanë. Ngjarja e rëndë ndodhi dje ne mbrëmje, kur mjeti me të cilin ata udhëtonin  është përplasur me trafik-ndarësen. Sipas policisë, në makinë udhëtonin katër shokë, të cilët ishin nisur drejt Lezhës.

Viktimat janë: Roland Kacani, 28 vjeç nga Tirana, shoferi i mjetit dhe Altin Prendushi, 25 vjeç nga Lezha, i cili ndodhej në vendin e pare. Sipas policisë, mësohet se automjeti ka qenë me shpejtësi të lartë dhe është përplasur në fillim me trafikndarësen dhe më pas është rrotulluar në rrugë.