Kreu i Partisë Ambientaliste Agrare, Agron Duka është shprehur se qeveria duhet të ndryshojë strategji në menaxhimin e një situate të tillë, duhet të punojë në grup pasi një person i vetëm nuk ja del ti japë fund një situate të tillë emergjence.
Nga emisioni 7 pa 5 në Vizion Plus, Duka ka theksuar se dëshira për të menaxhuar situatën nuk mungon, pasi njerëzit janë të angazhuar për të zgjidhur situatën, por kjo ndryshon në këndvështrimin e qeverisë, pasi ajo e ka për detyrë kryesore në këtë, duhet të ishte e përgatitur.
“Nuk mendoj se situata është menaxhuar aq mirë sa duhet, në Durrës problematika është akoma shumë e madhe pasi ka njerëz që jetojnë nëpër çadra në kushte mizerable, ka familje që jetojnë në shtepi te demtuara, që akoma nuk ka shkuar askush që të bëje verifikimin, për këtë doja të thoja se situata nuk është menaxhuar mirë. Ne nuk kemi eksperienca për këto situate, por e di që ka fonde dhe ligj, por ne e dime se në Shqipëri ato zbatohen siç do eprori. Qytetarët nuk janë të orientuar se kush është përgjegjësi kryesor që mund të zgjidhe çështjet, por të gjithë drejtohen tek një person i vetëm që është kryeministri. Nuk e zgjidh një person situatën ndaj është e rëndësishme që të punohet në grup. Tërmeti i 21 shtatorit ishte një paralajmërim, duhet të ishin marrë masa dhe banorët në pallatet ku u shënuan viktima nuk duhet të ishin më aty. Patjetër që duhet sa më shpejt që një numër i madh specialistët të dalë në terren dhe të përcaktojë cilët janë banesat e banueshme dhe cilat jo. Unë mendoj se jo të gjithë vdiqën nga fatkeqësia natyrore por nga moskujdesja. Por sigurisht janë raste që nuk duhet të përdoren me agresivitet nga politika, dhe opozita e ka bërë më së miri.Mënyra e menaxhimit të situatës dhe e qeverisë vetëm e një person është e gabuar dhe nuk jep produktividet. Kryeministri lëviz nëpër vendet e prekura dhe duket sikur i inspekton të gjithë skenat por nuk është kjo që duhet të bëhet në një situatë të tillë. Besoj se menaxhimi i një situate të tille nuk është që të dalë çdo ditë në televizion.”
Gjithashtu kreu i PAA ka theksuar se qeveria duhet të bëjë një alokim fondesh dhe në kuadër të atyre fondeve që vijnë nga jashtë, për ti dhënë zgjidhje situatës në të cilën ndodhet vendi dhe që nuk ka kohë.
