Drejtorja e Tatimeve, Delina Ibrahimaj sqaroi kostot e fiskalizimit.
Përmes një videoje informuese, Ibrahimaj tregoi se çfarë i duhet një biznesi që do të regjistrohet për herë të parë.
Sipas saj, ka shumë kompani që ofrojnë shërbimet softuer, gjë që ka çuar në uljen e kostove të fiskalizimit.
“Për një biznes që regjistrohet për herë të parë kostoja fillestare e fiskalizimit është më e ulët. Duhen pesë elementë, certifikata elektronike, një softuer të fiskalizimit, një pajisje elektronike, lidhje të thjeshtë me internetin dhe një printer jo fiskal. Bizneset kanë një gamë të gjerë zgjedhjesh. Kemi kaluar nga një sistem ku kishim 4 kompani kasash, në një sistem ku deri tani janë certifikuar 28 kompani ofrues të shërbimeve të softuereve, që përkthehet në rritje të konkurencës dhe rrjedhimisht në kosto më të ulëta. Personat fizikë të vetëpunësuar nuk e kanë të detyrueshme pajisjen me një certifikatë elektronike dhe blerjen e një softueri fiskalizimi. Faturat mund t’i lëshojnë përmes portalit pa pagesë “Self care”.”
