Prokuroria e Krimeve të Rënda ka nxjerrë një urdhër ndalimi për publikimin e përgjimeve të dosjes 339, në të cilën përfshihet kryebashkiaku i Durrësit, Vagjush Dako dhe zyrtarët të lartë të PS-së, të cilët komunikojnë me Astrit Avdylajn, kreun e bandës së Shijakut.
“Ndalimin e publikimit të akteve të procedimit penat Nr. 339, të vitit 2016, nëpërmjet shtypit ose çdo lloj forme tjetër informacioni masiv”, thuhet në urdhërin e Prokurorisë.
Përmes një urdhri të firmosur nga Prokurorët për Krime të Rënda, Vladimir Mara dhe Dritan Prençi thuhet se pasi u njohën me publikimin e pjesshëm të përgjimeve në disa media, urdhërojnë ndalimin e publikimit të tyre, pasi dosja 339 është ende në proces hetimor.