Presidenti Ilir Meta e konsideron një “ide të marrë” djegien e mandateve të deputetëve të opozitës.
Gjatë një konference për mediat, Meta deklaroi se ka qenë gjithmonë kundër djegies së mandateve dhe se qëndrimin e tij ua bëri të qartë palëve politike dhe ndërkombëtarëve.
“Ju kërkoni perfeksion kushtuese, ligjor, procedural, nga presidenti i Republikës, i cili ka qenë dhe mbetet shembulli më i mirë i respektimit në frymë dhe në germë të Republikës së Shqipërisë, të çdo ligji dhe konvente ndërkombëtare. Dhe kërkoni që të vendosni presidentin në një situatë jo perfekte. Që kur s’u hodh ideja e marrë e djegies së mandateve, kam qenë kundër. Ia kam bërë të ditura të dyja palëve dhe atyre që i bekuan këto ndryshime. Kam kërkuar që qeveria të bëjë dy hapa pas që mos të digjen mandatet dhe opozitës. Madje ia kam thënë dhe ndërkombëtarëve. Skam dalë unë t’i bekojë. S’ka njeri këtu dhe në botë, që këto që them s’janë të vërteta.”
Mes të tjerash, kreu i shtetit tha se po provokohet prej 2 vitesh për ta lënë pozicionin e Presidentit.
“Kam qenë publikisht kundër por kam qenë në Gjermani atëhere se po të ishte këtu Presidenti, Parlamenti nuk do ishte ky që është sot. Kam qenë publikisht kundër por kam qenë në Gjermani atëhere se po të ishte këtu Presidenti, Parlamenti nuk do ishte ky që është sot”, shtoi Meta.
