Pas dy dekadash nga lufta e Kosovës kuvendi ka mbajtur këtë të enjte një seancë plenare per rezoluten e gjenocidin serb. Palamenti do ti hapë rrugë edhe formimit të komisionit shtetëror për Tribunalin, si dhe nrgitjen e muzeut të gjenocidit e një memoriali për viktimat e krimeve të luftës.
Deputetja e PDK-së Flora Brovina, ka publikuar para gazetarëve një fotografi tronditëse të një gruaje që po e përdhunonin serbët. Sipas Brovinës kjo fotografi është marrë nga një aparat që i kishte rënë një ushtari ndërsa tha se gruaja që u dhunua është ende gjallë.
Në sallën e parlamentit ishin të pranishëm edhe familjarët e personave të vrarë e të zhdukur. Per kreun e shtetit Hashim Thaçi votimi i kësaj resolute është vendimi më i zgjuar i kuvendit të Kosovës, për të çuar përpara drejtësisë vrasësit serbë.
Kreu i kuvendit Kadri Veseli më herët ka deklaruar se pret përkrahje nga të gjitha grupimet politike ndersa aktakuzat do të ngrihen nga vetë gjyqësori i Kosovës. Por sipas ekspertëve në Prishtinë, ende nuk është e qartë nëse gjykata do të jetë në kuadër të sistemit të drejtësisë së vendit, apo do të jetë një zgjerim i Zyrës së prokurorit të specializuar, që njihet si Gjykata speciale për krime e pretenduara të UÇK-së.
Por, për t’u krijuar një gjykatë, siç e pretendojnë drejtuesit e institucioneve të Kosovës, nevojitet ndihmë ndërkombëtare.
Sipas analistëve duhet të ketë një rezolutë në Parlamentin Evropian ose në Këshillin e Evropës, në mënyrë që më pas të nisen procedurat për krijimin e një gjykate ndërkombëtare, për një periudhë 5 vjeçare.Në luftën e Kosovës janë vrarë rreth 13,500 kosovarë e mbi 1.600 të tjerë konsiderohen të zhdukur.