Një deputet ukrainas, Anton Poliakov, 33 vjeç, i cili ishte përfshirë në një hetim për korrupsion në sektorin e mbrojtjes, ka humbur jetën në një taksi në Kiev këtë të premte, në rrethana të paqarta.
Zyra e Prokurorit të Përgjithshëm tha se Poliakov u gjet pa ndjenja në sediljen e pasme të një taksie.
Policia ka nisur hetimet për ngjarjen, ndërsa kanë marrë në pyetje taksistin në mjetin e të cilit po udhëtonte deputeti.
Autoritetet kanë konfiskuar dokumente, një celular, si dhe një shumë parash.
