Shqipëria dhe Kosova luajnë përballë njëra-tjetrës në një sfide miqësore në orën 16:00 në “Elbasan Arena”.
Të dyja ekipet kanë publikuar formacionet zyrtare të “vëllazërores”.
Shqipëria luan në formacionin e parë me shumë lojtarë që nuk konsiderohen titullar fiks si Doka, Cepele, Hoxhallari, Selahi e Seferi me Ramadanin dhe Lacin në një skremë 4-3-3.
Ndërkohë nga ana tjetër kosova që drejtohet nga Muharrem Sahiti për shkak se Chalandes doli pozitiv me covid-19, do të luajë me një formacion më të plotë ndonëse edhe aty nuk mundojnë emrat e rinj si rasti i Fazlijit.
Në sulm do të luajnë Berisha-Celina dhe Muriqi.
Ndeshja do të luhet pa tifozë.
SHQIPËRIA: Berisha, Doka, Ismajli, Çepele, Hoxhallari, Laçi, Selahi, Ramadani, Uzuni, Seferi, Balaj.
Trajner:Edy Reja
KOSOVA: Muriç, Hadergjonaj, Rrahmani, Fazliji, Aliti, Kastrati, Shala, Kryeziu, B. Berisha, Celina, Muriqi.
Trajner: M.Sahiti