Ministri i Jashtëm në detyrë, Gent Cakaj zhvilloi këtë të enjte një takim me kryetarin e Komuës së Gjilanit, Lutfi Haziri.
Fokusi i diskutimeve u ndal tek dialogu Kosovë-Serbi. Cakaj tha se në fund të diskutimeve, duhet të arrihet që Serbia ta njohë Kosovën.
“Nënvizuam bashkërisht rëndësinë që Kosova dhe Shqipëria të shtojnë mbështetjen shtetërore për vëllezërit tanë në Luginë. Shqipëria është duke e përcjellë me shumë vëmendje zhvillimin e dialogut mes Kosovës dhe Serbisë dhe mbështet në mënyrë absolute platformën e Kosovës në këtë proces. Dialogu duhet të përfundojë me njohjen e Republikës së Kosovës nga ana e Serbisë.”
