Briken Calja regjistroi një nga arritjet me te mëdha ne historinë e peshëngritjes shqiptare duke fituar 3 medalje te arta brenda një kompeticioni te rëndësishëm.
Peshëngritësi shqiptar u shpall kampion Europe për peshën deri ne 69 kilogram ne turneun qe po zhvillohet ne Rumani. Sportisti nga Cërriku beri një paraqitje te shkëlqyer ne te dyja disiplinat, shkëputje dhe shtytje dhe rrjedhimisht arriti te fitoje edhe ne dygarësh duke ngritur ne total 321 kg. Aty nuk pati rivale pasi diferenca me gjermanin, Robert Joahim ishte plot 11 kg.
Fillimisht gara u përqendrua ne stilin e shkëputjes aty ku Briken Calja ngriti 146 kg ne provën e trete duke fituar medaljen e arte me 3 kg me shume se sa italiani Mirko Xani. Dueli me pas u përqendrua ne shtytje aty ku rivaliteti ishte pak me i madh. Pesghengritesi shqiptar ngriti 171 kg duke siguruar menjëherë vendin e pare ne dygarësh. Ne këtë prove ai pati një dëmtim ne kurriz çka ja vështirësoi disi luftën edhe për medaljen e arte ne këtë stil.
Megjithatë Calja sakrifikoi dhepasi dështoi në provën e dytë si pasojë e dhimbjeve , në tentativën e fundit ja doli te ngreje 175 kg duke fituar edhe ne shtytje vendin e pare me 1 kg me shume se sa sa peshëngritësi vendas Dimitresku.
Ne këtë mënyrë Calja i jep Shqipërisë 3 medaljet e arta te këtij Europiani, me shpresën qe nuk do jene te vetmet pasi këtë te enjte ne mbrëmje te njëjtin objektiv ka edhe Daniel Godelli.
