Në “Foltoren” e ngritur në Tropojë, ish-kryeministri Sali Berisha u ndal edhe te nisma “Ballkani i Hapur”. Ai paralajmëroi presidentin serb, Aleksandër Vuçiç se mijëra qytetarë do të jenë rrugë kundër tij, nëse synon që kjo iniciativë të kalojë edhe në Shqipëri.

 

Po ashtu, Berisha u shpreh se nëse Vuçiç kërkon paqe në rajon, fillimisht duhet të njohë genocidin serb, si dhe të kërkojë falje për krimet e luftës.

 

“Hiqe nga mendja se do të kalojë Ballkani i Hapur në Shqipëri me firmën e Edi Ramës. Mendohu mirë! Mendohu shumë herë para se të mësysh Tiranën si mik i Edi Ramës, sepse një popull i tërë do të jetë në rrugë kudnër teje. Ne jemi dhe do të punojmë për marrëdhënie normale, por jo kurrë në kurriz të Kosovës. Ai kërcënon Kosovën. Ditën që Parlamenti i tij duartrokiste Zoografin Bis për fjalët që mbante, puthej Vuçiçi me Putinin, dhe tema ishte veriu i Kosovës. Tano Kosova mbrohet nga NATO dhe i themi që kurrë më nuk mund ta prekësh Kosovën. Ne jemi një Komb! Nëse do paqe, duhet të njohësh genocidin serb. Të pendohesh dhe të kërkosh të falur për krimet në të cilat je pjesëmarrës edhe ti”, deklaroi Berisha.

Leave a Reply

Your email address will not be published. Required fields are marked *