Lideri i opozitës Sali Berisha ka folur për herë të parë para mbështësëve të tij, 4 ditë pasi Gjykata vendosi ta izolojë në shtëpi.
Nga dritarja e shtëpisë së tij, ish-kryeministri Berisha u përcolli demokratëve mesazhin se asnjë vendim gjykate nuk mund ta ndalojë atë të komunikojë me ta.
Lexo edhe :
Related Posts
Berisha shpjegoi se gjatë këtyre ditëve nuk ka mundur të flasë me demokratët për shkak se ka qenë i sëmurë me grip.
“Gjithë jetën unë kisha bërë vaksinën e gripit, por kur pushtetet filluan të na e imponojnë si në diktatura qytetarëve, unë hoqa dorë prej saj dhe nuk do ta bëj më ndonjëherë”, tha Berisha.
Sipas Berishës gjykata nuk mund t’i heqë atij lirinë ë fjalës, të cilën e garanton Kushtetuta.
“Kushtetuta ka një nen të saj, ka nenin 17, në të cilin përcakton se nuk ka kryeministër, nuk ka gjykatës, nuk ka prokuror që mund të mohojë lirinë e shprehjes. Ajo ndodh vetëm me ligj, por horat ligj nuk kanë, horat moral nuk kanë”, tha Berisha.
Lideri i opozitës sulmoi ashpër prokuroret e SPAK-ut të cilët po e hetojnë.
“Ata janë hanxharët, ata janë shndërruar në veglat mjerane, mbështetësit më kryesorë të diktaturës në Shqipëri, mashtrues mjeranë që punojnë nga mëngjesi deri në darkë vetëm për pushtetin e Edi Ramës.
Por ne kur nuk na impresionon Edi Rama, nuk ka pse na impresionojnë larot e tij, në Skap dhe kudo qofshin ata”, shtoi Berisha.
Ish-kryeministri Berisha ftoi demokratët që të vazhdojnë aksionin e mosbindjes civile në të gjithë vendin deri në rrëzimin e qeverisë Rama.
“Ne do të fitojmë, fitore, fitore”./vizionplus.tv
