Kreu demokrat Lulzim Basha u ka bërë thirrje strukturave të emergjencës të vihen në lëvizje dhe të ndihmojnë familjet në lagjen nr 4 në Durrës.
Në një postim në Facebook, Basha shkruan se banorët janë të lodhur e të tronditur ndërsa thekson se nuk ka asnjë organizim, asnjë ndihmë e orientim.
“Pasdite në lagjen 4 në Durrës dhe në mbrëmje në Shkozet: shikoni vetë cfarë shkatërrimi. Banorët janë të lodhur, të tronditur, të paushqyer dhe të stresuar. Nuk ka asnjë organizim, asnjë ndihmë asnjë orientim dhe askush nuk ka ardhur të na shohë – këto janë fjalët që më përsërisin në çdo takim. Gjendja është e rëndë, nevojat e njerëzve janë URGJENTE. Ju bëj thirrje strukturave të emergjencës të vihen pa asnjë vonesë në lëvizje dhe të ndihmojnë mijëra familje të braktisura dhe të lëna në harresë. Koha nuk pret!”
