Drejtuesi politik i PD-së në Elbasan, Gazment Bardhi ngre shqetësimin se banorët e fshatrave të këtij qarku janë braktisur për tetë vite nga kryeministri Edi Rama.
Sipas tij, të rinjtë nëpër fshatra po ikin nga vendi për shkak të kësaj braktisjeje, ndërsa premton se PD do ofrojë 100 milionë euro në vit mbështetje për bujqësinë dhe blegtorinë.
“Banorët e fshatrave të qarkut Elbasan mbijetojnë falë punës së palodhur nga ku sigurojnë produktet e bujqësisë dhe blegtorisë. Socialistë e demokratë kanë 8 vite të braktisur nga Edi Rama. Asnjë premtim i mbajtur, asnjë mbështetje, zero investime. Kjo ka sjellë braktisjen masive të fshatrave nga të rinjtë. Imagjinoni nëse ata do kishin një qeverisje që u bën rrugët, u siguron vaditjen dhe jep rimbursim për bujqësinë e blegtorinë. Pikërisht kjo qeverisje do vijë me 25 prill. Ne do të kthejmë normalitetin në jetën e çdo banori të fshatrave tona, duke ndalur braktisjen masive nga të rinjtë. 100 milion euro në vit mbështetje për bujqësinë dhe blegtorinë do shkojnë për fshatarët dhe fermerët, jo për xhepat e miqve të qeveritarëve. Me Partinë Demokratike Elbasani fiton. Shqipëria fiton.”
