Mariupoli është konsideruar si pikë kyçe e luftës dhe duket se së fundmi ushtria ruse po përparon në këtë zonë. Një këshilltar i kryebashkiakut të Mariupolit ka raportuar se trupat ruse po forcojnë mbrojtjen e tyre rreth qytetit.
“Okupatorët vazhdojnë të gërmojnë dhe të ndërtojnë mbrojtje në shkallë rreth Mariupolit”, tha Petro Andriushchenko në një postim në Telegram.
“Tani po marrin dru për të ndërtuar gropa. Dje për herë të parë kamionë ushtarakë shkuan në masë në rrethin Mangush dhe pjesërisht në drejtim të Berdianskut. Ishin plot me dru për ndërtimin e fortifikimeve.Numri i fortifikimeve po rritet në të gjitha drejtimet”, shtoi ai.
Andriushchenko pohoi gjithashtu se, këtë javë, trupat e mbështetur nga Rusia kishin filluar të rivendosen në shtëpitë bosh në fshatrat në veri të Mariupolit për ta mbrojtur atë, raporton CNN.
Mariupol, një qytet port në Detin Azov, ndodhet në rajonin Donetsk të Ukrainës dhe ka qenë nën kontrollin e drejtpërdrejtë të Rusisë që nga maji 2022.
