Njësia special “anti-KCK” është gati të nisë aksionin në terren për goditjen dhe sekuestrimin e të gjithë aktivitetit criminal dhe pasurive që rrjedhin nga ky aktivitet në të gjitha vendin.
Drejtorite e policisë në 12 qarqe kanë përpiluar një listë paraprake me grupet dhe individet që do të jenë subjekt I kontrolleve të rrepta në kuadër të operacionin “Forca e Ligjit”.
Policia kriminale do ta kalojë listën edhe në SPAK dhe nga ky moment është gati zbritja në terren e njësisë special e cila për 6 muaj me radhë është stërvitur për të vënë në zbatim planin e ri operacional të trumbetuar fort nga qeveria Rama.
Akti normative kaloi pak ditë më parë në këshillin e ministrave dhe ska më pengesa ligjore që të nisë goditja e të gjithë aty personave që nuk justifikojnë dot pasurinë e tyre.
Paraprakisht dyshohet se janë 200 subjekte që do të verifikohen dhe do kalojnë në filtrate e drejtorive të qarqeve, policisë kriminale, SPAK dhe gjykatës. Të parët që do të duhet të japin llogari për pasurine e tyre janë elementet me të kaluar kriminale dhe persona nën vëzhgim.
