Gjykata e Posaçme ka kaluar në gjykim dosjen ndaj Ardian Çapjes, Klajdi Dokolit, Etjen Canit dhe Jorgo Lekut, të cilët akuzohen për vrasjen e dyfishte të Gentian dhe Nezir Beqirit, ngjarje e ndodhur në Elbasan në vitin 2012.
Gjykata ndau dosjen për dy të pandehurit e tjerë, Florenc Çapjan dhe Ervis Bardhin për shkak se janë në mungesë. Ndërkohë Florenc Çapja është arrestuar më heret në Emiratet e Bashkuara Arabe, ku ka kërkuar azil, ndërsa Ervis Bardhi në Greqi.
Babë e bir, Gentian dhe Nezir Beqiri u vranë në banesën e tyre, ku Gentiani ishte në arrest shtëpie dhe ruhej me dy policë. Ai akuzohej si autor i vrasjes së biznesmenit Sokol Çapja.