Një 51-vjeçar ka rënë në prangat e policisë së Korçës, pasi ka përplasur me makinë shtetasen me iniciale L.D 71 vjeç.
I ndaluari është shtetasi me iniciale A.B 51 vjeç banues në Bilisht.
Sipas policisë arrestimi i tij u bë pasi, në aksin rrugor Korçë-Bilisht, në afërsi të fshatit Cangonj, ky shtetas duke drejtuar mjetin tip “Volkswagen”, ka aksidentuar 71 vjeçaren dhe është larguar nga vendi i ngjarjes.
Ndërkohë shtetasja L.D, ndodhet në Spitalin e Korçës, nën kujdesin e mjekëve.