Aksident në aksin Shëngjin–Lezhë, katër të lënduar, mes tyre dy fëmijë

Katër persona, mes tyre edhe dy fëmijë, kanë mbetur të lënduar si pasojë e një aksidenti të ndodhur mëngjesin e sotëm, 17 gusht, në aksin rrugor Shëngjin–Lezhë.

Të lënduarit janë transportuar drejt Spitalit të Traumës në Tiranë për trajtim të mëtejshëm.

Sipas të dhënave paraprake, të lënduarit ndodhen jashtë rrezikut për jetën.

Në vendngjarje ndodhet policia, e cila ka nisur hetimet për të zbardhur rrethanat dhe shkaqet e aksidentit.