Prokuroria ka caktuar ekspertë pritavë të IT-së të cilët do të përcaktojnë nëse pajisja që mbante me vete izraeliti i ndaluar në Rinas, kishte kryer përgjime apo jo.
Ky veprim ka pasuar masën e Gjykatës së Tiranës që ti bllokojë pasaportën 51- vjeçarit Yoram Frig, në mënyrë që ai të mos largohet nga Shqipëria. Kjo masë u morr pas kërkesës së prokurorit të çështjes, Ndini Tavani.
Në dëshminë e dhënë në prokurori Frig ka thënë se pajisja që iu gjet në valixhe në Rinas shërben për të identifikuar praninë e përgjuesve, por jo për të përgjuar. Por këtë fakt do ta konfirmojnë vetëm inxhinierët e kompjuterëve.
Ndaj 51- vjeçarit hetimet po kryhen në gjendje të lirë, ndërkohë që Yoram Frig rezulton dhe posedues i dy kompanive investiguese në Izrael.
