Helsinki nuk ka regjistruar asnjë aksident me vdekje gjatë vitit të kaluar, zbuluan zyrtarët bashkiakë këtë javë, raporton Politico.
Në një kohë kur vdekjet nga aksidentet rrugore në Bashkimin Evropian kanë rënë me 3% në vitin 2024, aksidentet me pasoja tragjike janë ende të zakonshme në zonat metropolitane.
Të kalosh një vit të plotë pa një aksident me pasoja në njerëz është një arritje e jashtëzakonshme për shumicën e qyteteve.
Në vitin 2023, 7,807 evropianë humbën jetën në aksidente trafiku në qytetet e BE-së.
Helsinki është ndër kryeqytetet më të vogla të BE-së, me rreth 690,000 banorë.
Modeli evropian
Autoritetet e Helsinkit kanë kaluar pesë vitet e fundit duke u përpjekur të përsërisin mrekullinë që arritën për herë të parë në vitin 2019, kur asnjë këmbësor apo çiklist nuk u vra në aksidente automobilistike.
Qyteti ka investuar në infrastrukturë të re për këmbësorë dhe çiklistë. Ka përforcuar rrjetin e transportit publik si dhe ka marrë fonde nga Banka Evropiane e Investimeve për një linjë të re tramvaji
Sipas një inxhinieri, përmirësimet ndihmuan “në uljen e përdorimit të makinave dhe, bashkë me të, të numrit të aksidenteve të rënda”.
Dhe statistikat tregojnë se midis viteve 2003 dhe 2023, numri i lëndimeve të lidhura me trafikun në qytet ra nga 727 në vetëm 14.
Suksesi i Helsinkit po vihet re në Bruksel, ku Komisioni Evropian po bën presion për të frenuar vdekjet në aksidentet rrugore./vizionplus.tv
