Proteina është një makronutrient thelbësor me shumë përfitime shëndetësore, duke përfshirë forcimin e muskujve dhe ruajtjen e flokëve dhe thonjve të shëndetshëm. Përveç kësaj, ushqimet me proteina të larta krijojnë ngopje pasi u duhet më shumë kohë për t’u tretur pa rritur sheqerin në gjak.
Burimi më i njohur i proteinave janë vezët, pasi ato përmbajnë pak kalori dhe një përmbajtje të lartë proteinash, 6 gram për vezë. Megjithatë, ka ushqime të tjera me më shumë ose të njëjtën përmbajtje proteine si veza, duke përjashtuar sigurisht peshkun dhe të gjitha llojet e mishit që tashmë e dini se janë ndër ushqimet më të njohura me përmbajtje të lartë proteinash.
Pra, pavarësisht nëse ushtroheni dhe jeni të lodhur duke ngrënë vezë gjatë gjithë kohës ose keni një qëllim specifik diete, ka ushqime të pasura me proteina që mund t’ju mbështesin dhe t’i shtojnë shumëllojshmëri dietës suaj.
Ushqimet me më shumë proteina se një vezë
Së pari, një ushqim që përmban 8 gram proteina për filxhan është quinoa. Kjo drithëra bie në sy sepse proteina që përmban është bimore dhe në të njëjtën kohë ka të gjitha aminoacidet e nevojshme për organizmin dhe 5 gramë fibra vegjetale shtesë.
Gjithashtu, bajamet janë një burim i shkëlqyer i proteinave me 7 gram për 1/4 filxhan.
Qiqrat kanë dy herë më shumë proteina se vezët, pasi vetëm 100 gramë qiqra na japin 14 gramë proteina, ndërkohë që kanë edhe të gjitha aminoacidet e nevojshme për organizmin.
Përveç kësaj, një filxhan kos përmban 23 gram proteina. Kosi është një ushqim që mund ta përfshini ose në mëngjes me fruta, mjaltë, arra ose në drekën tuaj si pjatë anësore.
Një tjetër burim i mirë i proteinave bimore janë farat e kungullit, pasi 1/4 e filxhanit ofron 9 gram, ndërsa në të njëjtën kohë përmbajnë zink dhe magnez, të cilët kontribuojnë si në mirëfunksionimin e sistemit imunitar, ashtu edhe në funksionimin e duhur të zemrës.
Dhe nëse i doni pijet e qumështit, dijeni se kefiri përmban 10 gramë proteina për filxhan, ndërsa ka edhe disa probiotikë që janë të dobishëm për organizmin. Mund ta hani të thjeshtë, ta shtoni në smoothie dhe në shumë receta, të kripura dhe të ëmbla.
Së fundi, kokrrat e sojës (edamame) kanë një përmbajtje të lartë proteinash, pasi gjysmë filxhani i siguron trupit 9 gram. /vizionplus.tv
