Francesco Bagnaia dominoi çmimin e madh të Japonisë në Motoçiklizëm transmetuar si zakonisht në Tring, duke konfirmuar fundjavën fantastik në Azinë e largët. Piloti Italian i Dukatit që kishte fituar edhe provat zyrtare e nisi nga vendi i parë dhe e mbylli po kështu si dominues kundrejt rivalit të tij kryesor për titullin botëror, Jorge Martin. Spanjolli u përpoq shumë gjatë garës ta kërcënonte Banjajan, mirëpo nuk ia doli dot kurrë ta vendose në vështirësi serioze.
Nisja e italianit ishte super pasi mbajti kryesimin që nga startit pas xhiros së parë, mirëpo po kaq e bukur ishte edhe xhiro e parë për Martin i cili edhe pse u nis nga radha e katërt, ia doli që në përfundim të xhiros së parë të qëndronte pas krahëve të Banjajes, Akostes dhe Binder.
Në xhiron e tretë madje Akosta u rrëzua, ndërsa Martin parakaloi Binder duke u vënë pas krahëve të pilotit të Dukatit. Në gjysmën e parë të garës distance mes dy rivalëve kryesorë për titullin ishte diçka më pak se 1 sekondë në favor të Banjajas, distancë të cilën italiani e çoi në 1.5 sekonda me kalimin e xhirove. Vetëm në fund Martin u përpoq të afrohej, por pa ia dalë dot mbanë. Vendi i tretë për Mark Markez që fitoi duelin për podiumin me italianin tjetër Bastianini.
Kjo ishte gara e 16 sezonal në Moto GP, dhe suksesi i 8 për Francesko Banjajan. Kur kanë mbetur edhe katër gara nga fundi i botërorit, udhëheq spanjolli Jorge Martin me 392 pikë, Banjaja ndjek afër me 382 pikë dhe ndjeshëm më larg janë Bastianini me 313 pikë dhe Markes me 311 pikë. Gara e radhës me 20 tetor në Australi./vizionplus.tv
