Udhëheqësit e kombeve më të pasura të botës shprehën “shqetësim të thellë për situatën e përkeqësuar në Lindjen e Mesme”.
Në një deklaratë të përbashkët, ata dënuan “në termat më të fortë sulmin e drejtpërdrejtë ushtarak të Iranit kundër Izraelit, i cili përbën një kërcënim serioz për stabilitetin rajonal”.
Lexo edhe :
“Një cikël i rrezikshëm sulmesh dhe hakmarrjesh rrezikon të nxisë përshkallëzim të pakontrollueshëm në Lindjen e Mesme, gjë që nuk është në interesin e askujt. Prandaj, u bëjmë thirrje të gjithë aktorëve rajonalë që të veprojnë me përgjegjësi dhe përmbajtje. Ne inkurajojmë të gjitha palët që të angazhohen në mënyrë konstruktive për të de-përshkallëzuar tensionet aktuale. E drejta ndërkombëtare humanitare duhet të respektohet”, thuhet në një deklaratë.
Tensionet midis Iranit dhe Izraelit kanë qenë të larta pasi Izraeli peshon opsionet për t’iu përgjigjur sulmit me raketa balistike të Iranit të martën. Irani thotë se sulmoi në përgjigje të veprimit ushtarak të Izraelit në Liban dhe vrasjeve të shumta të aleatëve të tij. /vizionplus.tv
