Presidenti i Rusisë, Vladimir Putin, do të zhvillojë një vizitë zyrtare në Kinë më 19 dhe 20 maj, njoftoi Kremlini.
Vizita do të zhvillohet vetëm pak ditë pas qëndrimit në Kinë të presidentit amerikan Donald Trump.
Sipas Kremlinit, gjatë takimit me presidentin kinez Xi Jinping, Putin do të diskutojë mënyrat për “forcimin e mëtejshëm të partneritetit gjithëpërfshirës dhe bashkëpunimit strategjik” mes Rusisë dhe Kinës.
Dy liderët pritet gjithashtu të shkëmbejnë mendime mbi çështje të rëndësishme ndërkombëtare dhe rajonale.
Putin dhe Xi Jinping janë takuar më shumë se 40 herë ndër vite, ndërsa takimi i tyre më i fundit u zhvillua në Pekin shtatorin e kaluar.
Në shkurt të vitit 2022, vetëm pak javë para nisjes së luftës në Ukrainë, Rusia dhe Kina firmosën marrëveshjen e partneritetit strategjik “pa kufij”, duke thelluar bashkëpunimin mes dy vendeve.
