Grigels Muçollari, anëtar i kryesisë së PD-së, mbrëmjen e sotme ishte i ftuar në studion e “Quo Vadis” në Vizion Plus, nën moderimin e Pranvera Borakajt.
Muçollari deklaroi në studio se nuk ka pasur dhe nuk do të ketë një marrëveshje mes opozitës dhe mazhorancës, ashtu si shumë qytetarë mendojnë. Sipas tij, aksioni opozitar i nisur së fundmi nga opozita, pas burgosjes së Salianjit, duhet të kishte ndodhur që në ditën kur u burgos Sali Berisha.
Pranvera Borakaj: Si do arrini ta zhbëni atë pjesë të qytetarëve që mendojnë se ka një “deal” (marrëveshje) mes mazhorancës dhe opozitës ku mazhoranca ruan këtë pushtet që ka dhe opozita monopolin e opozitës ? kujtojmë çështjen e vulës, mandatin e Berishës që nuk i është hequr akoma…
Grigels Muçollari: Një procedurë ligjore, ne themi “ja u dhanë”.
Pranvera Borakaj: Edhe mund të mos e kishit.
Grigels Muçollari: Është diçka që na takonte, nuk na i dhanë.
Pranvera Borakaj: Mund t’i takonte Lul Bashës
Grigels Muçollari: Jo pra, e di gjithë shoqëria këtë gjë. Nuk e di kush mund ta besojë këtë, në raport me aksionin opozitar. Si mund të bëj unë një marrëveshje që të përfundoj në burg sepse fola, vetëm një qytetar naiv mund ta mendojë. Kjo është një çësthje që lind nga shuumë pikëpyetje, por i shërben mazhorancës për t’i dhënë njerëzve këtë mendim. nuk ka kompromis, nuk ka pasur kurrë kompromis mes opozitës mazhoirancës në raport me të drejtën e votës, në raport me përballjen pozitë-opozitë. Opozita sot po bën atë që duhet ta kishte bërë që në ditën që u ndalua në mënyrë të padrejtë lideri i PD-së./vizionplus.tv
