Një javë pas samitit të NATOS në Uashington, sot zhvillohet një tjetër takim i rëndësishëm i liderëve. Kryeministra dhe presidentë nga të gjitha vendet europiane, përveç Bjellorusisë dhe Rusisë janë mbledhur Britaninë e Madhe për Samitin e komunitetit Politik Europian.
Në samit merr pjesë kryeminstri Edi Rama i cili së bashku me homologen italiane Georgia Meloni bashkëdrejtuan diskutimin që lidhet me çështjen e emigrantëve. Dy kryeministrat u zgjodhën për të drejtuar këtë diskutim pasi mes dy vendeve është nënshkruar një marrëveshje që mundëson qëndrimin e përkohshëm të emigranteve të paligjshëm në Shqipëri.
Në tryezën e përbashkët kryeministri britanik Starmer e nisi fjalimin e tij duke nënvizuar rëndësinë e marrëdhënieve mes Britanisë së Madhe dhe bllokut ndërsa sa i takon çëeshtjes së emigrantëve, ai tha se ky takim është rasti më i mirë për të vendsour një standart të ri.
“Ky samit është një mundësi për të vendosur një rrugë të re për migracionin ilegal, për të transformuar mënyrën se si punojmë së bashku, për sigurinë kufitare dhe zbatimin e ligjit. Për të thënë së bashku ‘jo më shumë’.në duhet të kombinojmë burimet tona të ndajmë inteligjencën, taktikat, të mbyllim rrugët e kontrabandës dhe të shkatërrojmë bandat”, tha Starmer.
Starmer siguroi se Britania e Madhe nuk do të largohet kurrë nga Konventa Evropiane e të Drejtave të Njeriut dhe gjithashtu rikonfirmoi mbështetjen e palëkundur ndaj Ukrainës në luftën kundër Rusisë.
Liderët europianë, Charles Michel dhe Josep Borrell u shprehën përpara samitit se Evropa është gjithashtu e gatshme për një kapitull të ri me ishullin, kryesisht për çështjet e sigurisë, mbrojtjes, emigracionitn dhe sfidave të tjera globale.
Sipas axhendës, pas përfundimit të punimeve të samitit, pasdite, liderët do të priten nga mbreti Charles III.
Samiti i bashkësisë politike evropiane po mbahet në Pallatin Blenheim në Oksfordshire, që është vendlindja e kryeministrit legjendar britanik, Winston Churchill, jo shumë larg Londrës./vizionplus.tv
