Një ditë pas protestës së punonjësve së një fasonerie në Bilisht, ministrja e Ekonomisë Delina Ibrahimaj ka shkuar për të parë nga afër situatën.
Ajo tha se janë në suport të punonjësve që kushtet e punës të respektohen. Ndërkohë Ibrahimaj paralajmëroi një reformë në të gjitha fasoneritë e vendit.
“Për shkak të shqetësimit të punonjësve këtu në fasoneri në Bilisht kam ardhur, për të parë situatën e për të zgjidhur atë. Qeveria është e angazhua për respektimin e ligjit. Jemi ne support të punonjësve që kushtet e punës të respektohen. Punonjëset pagohen për 22 ditë ndërkohë punojnë 28 ditë pune, në mosrespektim të kodit të punës, e shtuna dhe e diela nuk paguhen 25% me shume”.
Ministre keni konstatuar disa shkelje sot, pse nuk po vendosni gjoba?
Ne do marrim masat e parashikuara në ligj, do jemi në verefikim, kemi marrë dokumentacionin. Do monitorojme shkeljet për mospagesën ekstra.
Zonja ministre, përse këto protesta në këtë sektor, jo vetëm në Bilisht?
Kam ardhur për rastin konkret. Inspektorati punës nuk verefikon dot pagesen shtesë. Këtë do kërkoj nga inspektori i punës sot. Sektori ka probleme, ka pasur protesta të herëpashershme, që vijnë si pasojë e mos informimit dhe shkeljes se bizneseve. Kjo që po ndodh sot do shtrihet në gjithë Republikën.
