Me tensione të shumta, përplasje dhe gaz lotsjellë ka nisur protesta përpara Kuvendit.
Qytetarët po hedhin miell dhe vezë në drejtim të deputetëve dhe policëve, të cilët në një moment u janë përgjigjur me gaz lotsjellë.
Në hyrje të Kuvendit për në seancë plenare, Elisa Spiropali në një prononcim për mediat tha:
“Duhet të reflektojmë, të dëgjojmë dhe të ofrojmë edhe zgjidhje. Nuk duhet të merremi me protestuesit, por duhet të merremi me veten. Diskutimet vijnë nga të gjithë, nuk jepen këtu aty për aty. E rëndësishme është që Kuvendi i Shqipërisë të përdoret për të folur për vendin, për njerëzit, për shqetësimet, për të ofruar zgjidhje, për të parë më shumë nga vetja. Dhe secila forcë politike, secili kah në atë Kuvend duhet të bëjë analizën e vetes, përpara se të bëjë analizën e kundërshtarit”.
E pyetur se kur do e shpalosë platformën që ajo ka deklaruar para pak ditësh, deputetja socialiste refuzoi të përgjigjej.
Ndërkohë që përveç qytetarëve që patën disa komplikacione të lehta nga gazi, kanë mbetur të lënduar edhe dy efektivë të policisë.
