Dy artistë turq Abdullah Guler dhe Sabriye Hatipoglu janë bërë pjesë e ekspozitës “Ditët e Mios” në Korçë. Larmia e ngjyrave dhe trajtimi i pikturave është i ngjashëm me ngjyrat e vjeshtës së Mios.
ABDYLLAH GULER
PIKTOR
“Është hera ime e parë që jam në Korçë dhe jam shumë I emocionuar. Jam këtu për ditët e Mios dhe kam takuar artiste të mirë të cilët vijnë në kujtim të Mios. Jam përpjekur të punoj në gjurmët e Mios, por kam dhenë dhe pak nga vetja ime duke mos qëndruar në një linjë por të kem një tjetër stil personal. Piktura ime nuk është një vjeshtë tradicionale, por e parë nga këndvështrimi im.”
SABRIJE HATIPOGLU
PIKTORE
“Jam shumë e lumtur që jam në këtë qytet të vogël. Vij për herë të parë në ditët e Mios. Kam qenë në vendet ku ka pikturuar Mio dhe jam përpjekur të pikturoj sipas stilit tim qytetin e Mios dhe vendet ku ai ka pikturuar vjeshtën.”
Ndërsa piktori nga Kosova, Shefqet Abrazhda nuk i ka qëndruar besnik peisazhit tradicional që kanë sjellë në këtë ekspozitë një pjesë e piktorëve pjesëmarrës.
“Ditët e Mios” zhvillohet për të njëmbëdhjetin vit radhazi në përkujtim të piktorit të madh Vangjush Mio.
