Shkencëtarët mendojnë se ata tani mund të shpjegojnë të paktën një pjesë të rritjes së fundit në nivelin e metanit në atmosferë.
Studiuesit, të udhëhequr nga Universiteti Edinburgh, në Mbretërinë e Bashkuar, thonë se studimet e tyre tregojnë për një rritje të madhe të emetimeve që vijnë vetëm nga ligatinat e Sudanit të Jugut.
Të dhënat satelitore tregojnë se rajoni ka marrë një rritje të madhe uji nga liqenet e Afrikës Lindore, përfshirë Victoria.
Kjo ka sjellë rritjen CH4 (metanit) nga ligatinat, duke përbërë një pjesë të konsiderueshme të rritjes së metanit global.
“Nuk ka shumë monitorim në tokë në këtë rajon që mund të vërtetojnë ose prishin rezultatet tona, por të dhënat që ne kemi përshtaten së bashku,” tha Prof Paul Palmer.
“Ne kemi linja të pavarura provash për të treguar që ligatinat e Suddit zgjerohen në madhësi, dhe madje mund t’i shihni në imazhe ajrore – ato u bënë më të gjelbërta,” i tha ai BBC News.
Metani është një gaz i fuqishëm i serrës dhe – ashtu si dioksidi i karbonit – po rrit përqendrimin e tij në atmosferë.
Megjithatë nuk ka qenë një ngritje e vazhdueshme e metanit ne atmosfere. Në të vërtetë, gjatë fillimit të viteve 2000, sasia e gazit u stabilizua për një kohë. Por më pas përqendrimi I tij u rrit rreth vitit 2007, qe u pasua me një ngritje të mëtejshme në 2014.
CH4 (metani) tani po ngjitet me shpejtësi dhe sot qëndron pak më shumë se 1,860 pjesë për miliardë në vëllim.
Aktualisht ka një debat në lidhje me burimet e mundshme, me emetimet nga aktivitetet njerëzore të tilla si bujqësia dhe përdorimi i karburanteve fosile pa dyshim se në përzierje. Por ekziston gjithashtu një komponent i madh natyror, dhe shumë hulumtime aktuale janë përqendruar në kontributet nga tropikët./ BBC
