Deputeti i opozitës parlamentare, Myslim Murrizi në seancën e kësaj të enjteje në Kuvend, ka komentuar qëndrimin e presidentit francez Emanuel Macron për hapjen e negociatave.
Në fjalën e tij nga foltorja e kuvendit, deputeti ka akuzuar qeverinë për rritjen e numrit të azilkërkuesve në Francë, si një faktor kryesor ndikues në vendimin e kësaj të fundit.
“Qytetarët shqiptarë do kishin qëndruar në Shqipëri dhe nuk do ishin arratisur në asnjë kamp dhe drejt çadrave të Francës. Macron tha se nuk iua hapim negociatat se na keni rritur numrin e azilantëve. Javën e kaluar na u morën të gjithë me tërmetin. Unë do doja një gjë më konkrete, për fondet, se ku do të shkojnë. Na tha që keni ulur borxhin publik në 67%. Unë kam parë raporton e KLSH. Nuk e di a keni deklaruar borxhin prej 6 milion eurosh. Bërtisni për një prokuror ndërsa për një tjetër heshtët kur e kaloi vettingun se iu ka përcjellë kasetat. Heshtni se e di që keni një pazar të pashpallur publikisht. Kështu nuk bëhet Reforma në Drejtësi”.
