Panariti: Policia shkeli ligjin, përdori gaz lotësjellës ndaj protestuesve

Deputeti i LSI, Edmond Panariti ka akuzuar policinë se ka përdorur gazin lotsjellës në mënyrë të paligjshme kundër protestuesve.

Në një postim në “Facebook”, Panariti shprehet se përdorimi i gazit lotsjellës është i ndalur për t’u përdorur në operacione ushtarake sipas konventës të vitit 1993.

Panariti thekson se Shqipëria e ka firmosur këtë konventë së bashku me 190 vende të tjera dhe veprimi për ta përdorur ndaj protestuesve është totalisht I paligjshëm.

“A është i ligjshem dhe i moralshem perdorimi i gazit helmues lotsjelles në protesten qytetare ? Perdorimi i gazit lotsjelles është i ndaluar për tu perdorur në operacione ushtarake, sipas konventes për ndalimin e përdorimit të armeve kimike të vitit 1993. Shqiperia e ka firmosur këtë konvente krahas 190 vendeve të tjera. Perdorimi në mënyrë të kufizuar i ketij gazi, për të neutralizuar persona te dhunshem është i parashikuar, por vetem nen kontroll procedurial rigoroz dhe te orientuar eksluzivisht ndaj individit dhe individeve të dhunshem. Madje edhe në të tilla raste duke qenë se rrymat e ajrit mund ta perhapin me lehtesi këtë gaz, zakonisht për neutralizimin e individeve të dhunshem perdoret gaz “spray” me rreze të kufizuar. Kurresesi ky gaz neuroparalitik nuk mund të perdoret ndaj turmes sic ishte rasti i sotem! Kjo është e paligjshme! Qytetarë paqesore, gazetare, kameramane perjetuan të vjella, turbullim të pamjes, bllokim te frymemarrjes, kolle, teshtima, pengesa në gelltitje, verbim të perkoheshem dhimbje… Ishte vertet dramatike.”