Studentët nga rrethet nuk i kanë ndërprerë protestat e tyre, ndërsa kauzës së tyre i janë bashkuar edhe gjimnazistët. Në Vlorë numri i studenteve pjesmarrës në protestë është ulur ndjeshëm. Këtë të enjte ata janë ndarë në dy grupe. Një pjesë protestonte fakultetit të Shkencave Humane, ndërsa një grup tjetër zhvillonte mësim në auditor.
Të rinjtë e Korcës u mblodhën fillimisht para universitetit, për të vijuar më pas marshimin përgjatë bulevardit Republika. Ata kane qendruar në sheshin para Katedrales për thuajse një orë.
Disa nga protestuesit kanë bllokuar edhe dyert e gjimnazeve duke kërkuar që nxënësit e shkollave të mesme të mos hynin në mësim e të bashkoheshin me ta.
Për rektorin e Universitetit të Korçës nëse do të kishte funksionuar Konferenca e Rektorëve, nuk do të kishte arsye për miratimin e vkm për tarifat për provimet e prapambetura. Sipas tij ai vendim nuk është një kompetencë e qeverisë dhe e Ministrisë së Arsimit, por e vetë universiteteve.
Ndërsa në Berat një grup gjimnazistesh janë mbledhur në qendër të qytetit me pankarta në duar, duke shprehur mbështjen e tyre ndaj kërkesave të studenteve.
Edhe këtë të mërkurë të rinjt e universitetit Aleksander Xhuvani në Elbasan kërkuan plotësimin e tetë kërkesave.
Pa bllokuar rrugët ata kanë parakaluar nga korpusi në drejtim të fakultetit të Infermierisë. Më pas ata janë nisur me autobuzë në drejtim të Tiranës.
