Deputeti i Partisë Demokratike, Oerd Bylykbashi ka deklaruar se “peshku i madh”, për të cilët foli dhe Ambasadori Lu një ditë më parë, u mbrojt nga mazhoranca me veshjen e imunitetit.
Bylykbashi parashikon se Task Forca e re do të përdorë si taktikë kompetencen e saj për të hetuar krimet nga momenti i krijimit e në vijim, duke u justifikuar me faktin se “nuk ka fuqi prapavepruese qe te merret me 2017, se do te ishte antikushtetuese”.
Ai citon dhe një shprehje të Borselinos, i cili thotë se fakti që një gjykatë nuk dënon një politikan me lidhje mafioze, nuk e bën atë të ndershëm.
Ja komenti i plotë i Bylykbashit në profilin e tij zyrtar në Facebook:
Dekriminalizimi sipas Paolo Borselinos
“Egziston nje keqkuptim baze. Politikani qe ka frekuentuar mafioze, nese nuk denohet nga gjykata, eshte i ndershem. Jo! Gjykata mund te beje vetem saktesime te natyres gjyqesore. Institucionet kane detyren te flakin politikanet e afert me Mafien, per te qene te ndershme, por edhe te shfaqen te tilla.” – Paolo Borselino – prokuror antimafia i vrare nga Mafia ne 1992)
Peshkun e madh ne e patem ne Parlament. Mazhoranca nuk e flaku ne duart e Drejtesise por e mbrojti nga rrjeta e saj duke e veshur me imunitet. A thua do te beje vaki gje e re ne janar 2018 qe duhet te presim deri atehere? Shihni kur te dalin e te thone zyrtarisht se Task Forca nuk ka fuqi prapavepruese qe te merret me 2017, se do te ishte antikushtetuese. Madje Helsinki, Soros, etj do te organizojne tryeza bindese qe eshte keshtu. Fundja, pa i plotesuar Rama me doren e vet organet e vetingut, si mund te kete Drejtesi?! Ndaj edhe Tahiri nuk hyn te peshqit e medhenj se eshte i 2013-2017.
Ku e dinte Borselino i ngrate se, 25 vite pas atentatit ndaj tij, ka edhe Ed Rame qe nuk ka lene peshkaqen te krimit pa futur ne institucione, madje ka dhe Keshill Mandatesh qe zevendeson gjykaten. Po ka edhe shoë perpara nderkombetaresh ku Rama zotohet se peshkaqeni do kape peshkaqenet. Eh sa gjera nuk dinte Borselino!
