Koncertet e Adele-s janë të mbushura me plot surpriza dhe të papritura. Këtë herë e papritura ka ndodhur në një prej dy koncerteve të mbajtura në stadiumin “ANZ”, në Sydney të Australisë, ku një prej fanseve ka pësuar atak kardiak e për pasojë është rrëzuar duke shkaktuar panik në stadium.
Kjo është regjistruar edhe në një video, ku Adele ndalon koncertin dhe i drejtohet turmës: “Më falni, mund të ndalojmë? Është dikush aty që nuk ndihet mirë dhe jam e shqetësuar”.
Mbrëmjen e dytë, këngëtarja britanike ka shpjeguar çfarë ndodhi.
“Spektaklin e kaluar ishte një vajzë e cila pësoi një atak kardiak. Prandaj dua t’i dedikoj këtë këngë dhe t’i uroj shërim të plotë e të shpejtë!” – ka thënë Adele para se të këndonte “Take It All”.
