Një ushtar në repartin e Gjirokastrës ka humbur jetën, ndërsa një tjetër ka mbetur i plagosur, si pasojë e një aksidenti automobilistik.
Aksidenti ndodhi rreth orës 07:00, në aksin rrugor Gjirokastër- Tepelenë, pranë Viroit. Mjeti tip “benz” u përplas me bordurën anësore të urës dhe përfundoi në pjesën e poshtme të rrugës.
Viktima është Blerim Bizhga nga Tepelena, ndërsa i plagosur ka mbetur Sokol Lushkaj 24 vjeç. Për shkak të plagëve të marra, i riu është nisur me helikopter drejt Spitalit Ushtarak në Tiranë. Sipas policisë, shpejtësia, errësira dhe mjegulla e dendur shkaktuan aksidentin.
