Miratimi me konsensus politik i reformës në drejtësi, çka rrit sundimin e ligjit dhe luftën kundër korrupsionit në vend e afron Shqipërinë me Bashkimin Europian. Deklarata është bërë nga eurokomisioneri për zgjerim Johanes Han gjatë diskutimit të raportit të zotit Fleknshtajn për Shqipërinë në Parlamentin Europian.
Johanes Hahn:
Në mënyrë të veçantë dëshiroj të nënvizoj se rezoluta evidenton se reforma në sistemin e drejtësisë do të ndihmojë për forcimin e sundimit të ligjit më shumë eficencë. Palët politike te angazhohen në një dialog konstruktiv për të finalizuar reformën. Kjo është në interes të vendit dhe qytetarëve të tyre. Unë pres dialog dhe bashkëpunim ndërpartiak, si nga opozita dhe nga qeveria, por dhe nga aktorët e tjerë politik. Kilometri i fundit është gjithnjë më i vështiri.
Shqipëria duhet të tregoj më shumë sa i takon luftës kundër krimit të organizuar dhe korrupsionit në të gjithë nivelet. Hetimet e zyrtarëve të profilit të lartë duhet të jenë më efikase. Kjo vlen dhe për krimin e organizuar. Gjithashtu procesi i demkriminalizimit duhet të zbatohet. Si punonjësit e administratës, ashtu dhe zyrtarët e zgjedhur duhet të jenë objekt i ligjit.
Ndërsa eurodeputeti Kukan deklaroi se reforma ne drejtësi ndikon ne hapjen e negociatave me unionin.
Eduard Kukan:
Parlamenti Europian i dërgon nje mesazh te qarte mbështetjeje Shqipërisë ne ketë raport. Shqipëria ka bere nje progres te dukshëm, sa i takon reformave dhe është kthyer në një aleat të besueshëm në rajon. Reforma në drejtësi është më e rëndësishmja për sundimin e ligjit. Unë shpresoj qe menjëherë pasi kjo reformë të miratohet do të hapen dyert për në BE.
Ne rezolutën e tij qe miratohet edhe nga parlamenti, Flekenshtajn i kërkon komisionit te rekomandoje hapjen e negociatave menjëherë, pasi ky i fundit te vlerësoje progresin e shënuar nga Shqipëria ne prioritetet kyçe.
