Policia e Krujës ka finalizuar operacionin e koduar “Mukja”, në kuadër të goditjes së kultivimit të bimëve narkotike.
Si rezultat i kontrolleve të zhvilluara në terren dhe informacioneve të siguruara në rrugë operative, u arrestua në flagrancë shtetasi me iniciale N. Z., 31 vjeç, ndërsa u shpall në kërkim bashkëpunëtori i tij, J. M., 43 vjeç, të dy janë banues në fshatin Mukaj.
Sipas hetimeve paraprake, dyshohet se ata kishin kultivuar 42 bimë të dyshuara narkotike cannabis sativa në një zonë pyjore të fshatit Mukaj.
Gjatë kontrollit në vendin ku kultivoheshin bimët, shërbimet e Policisë sekuestruan edhe 600 gramë lëndë të dyshuar narkotike cannabis sativa, ndërsa bimët u asgjësuan.
Policia bën me dije se vijojnë kërkimet për kapjen e 43-vjeçarit të shpallur në kërkim, si dhe veprimet hetimore për dokumentimin e plotë të kësaj veprimtarie kriminale.
Materialet procedurale i janë referuar Prokurorisë për veprat penale “Prodhimi dhe shitja e narkotikëve” dhe “Kultivimi i bimëve narkotike”.
