Presidenti rus Vladimir Putin, mbreti i Arabisë Saudite, por dhe kryeministrit britanik David Kameron janë vetëm tre nga 140 politikanët botërore të përfshirë në skandalin e mashtrimit financiar “Panama papers”. Bëhet fjalë për 11 milion dokumenta, të cilat kanë rrjedhur nga një zyrë avokatie panameze, e njohur si “Mossack Fonseca”, me një eksperiencë mbi 40 vjeçare në treg, e cila ndihmonte klientët e saj në pastrim parash, shmangie taksash dhe fshehje të pasurisë së tyre. 12 krerë shtetesh janë të përfshirë drejtpërdrejt në këtë skemë, mes të cilëve dhe mbreti saudit, Abdulrahman Al Saud, presidenti i Ukrainës Petro Poroshenko dhe ai i Islandës Gunlaugson. Nga ana tjetër, kryeministrit britanik Kameron përmendet, pasi në këto dokumenta identifikohet babai i tij, Ian Kameron, si dhe bashkëpunëtor i ngushtë të kreut të Kremlinit Putin. Ky i fundit dyshohet se ka pastruar para në vlerën e 2 miliard dollarëve. Ne përgjigje te këtij skandali zëdhënësi i Kremlinit Dimitri Peskov ka deklaruar se këto të dhëna janë te pavërteta dhe një sulm ndaj presidentit rus Vladimir Putin, me qellim destabilizimin e situatës ne vend, sidomos tashme qe Rusia është para zgjedhjeve. Ndërsa Presidenti ukrainas Poroshenko tha se ka respektuar ligjin dhe se me menaxhimin e aseteve te tij merren firmat ligjore. Ndërkaq, zedhenesi i Cameron u mjaftua te thoshte se kjo ishte nje çështje private. Autoritetet ne disa vende si Austria, Holanda, Australia kane nisur hetimet pas zbulimit te skandali. Një nga themeluesit e firmës panameze, Ramon Fonseca, u shpreh i gatshëm te bashkëpunoje ne çdo hetim te ligjshëm, edhe pse e cilësoi rrjedhjen e dokumentave sulm ndaj Panamasë. Ne listën e personaliteteve te njohur janë dhe emra si futbollisti i Barcelonës Lionel Mesi, aktori i hollivudit Xheki Çan dhe djali i ish-sekretarit te OKB-se Kofi Anan. Kompania “Mossack fonseca” orientonte depozitimin e parave në të paktën 21 vende të njohura si parajsa fiskale, kryesisht në Karaibe, nje proces qe nuk konsiderohet i jashtëligjshëm. Por investigimi i konsorciumit te gazetarëve, me baze në Uashington, thekson se “dokumentet tregojnë se bankat, studiot ligjore dhe aktorët e tjerë, që kanë mundësuar këto transaksione, ne pjesën dërmuese te rasteve nuk kanë ndjekur kërkesat e duhura ligjore për t’u siguruar që klientët e tyre nuk kanë qenë të përfshirë në aktivitete kriminale, në skema për të shmangur taksat ose në korrupsion politik”.
