Kryeministri Edi Rama e ka cilësuar një moment të jashtëzakonshëm për vendin miratimin e raportit të IBAR, i cili i hap rrugë zyrtarisht procesit të mbylljes së grupkapitujve.
Pak çaste para nisjes së konferencës së 8-të ndërqeveritare, kryeministri Rama theksoi se Shqipëria është një fanatike e BE-së, edhe nëse do të jetë pjesë e familjes së madhe evropiane pa të drejtë vetoje.
“Është një moment shumë i rëndësishëm në rrugëtimin tonë drejt anëtarësimit. Është një moment për të cilin kemi punuar shumë fort prej një kohe të gjatë. Është një moment ku gjysma e punës, e kapitujve të hapur, do të mbyllet dhe gjysma tjetër do të hapet. Unë kam qenë kampion i qasjeve të ndryshme në të kaluarën, sepse kam mësuar se kapaciteti për të vazhduar zgjerimin siç ka ndodhur më përpara nuk është. Është shumë e qartë, nga ana tjetër, se nëse bëhet si duhet, është gjëja e duhur për t’u bërë. Nuk ka të bëjë me një anëtarësim të lehtë; ka të bëjë së pari me një union real politik dhe së dyti me një rrugëtim anëtarësimi me të drejta të plota. Shqipëria është një vend që ka qenë 100% në përputhje me politikën e jashtme të BE-së. Nuk kemi ndier ndonjë kënaqësi për të shfrytëzuar të drejtën e vetos. Jemi vendi më pro-BE dhe më pro-Atlantik”, tha Rama.
