Gjykata e Posaçme shtyn për në 7 maj seancën gjyqësore ndaj kryebashkiakes së Roskovecit, Majlinda Bufi. Seanca e radhës do të zhvillohet edhe në mungesë, nëse ajo ose avokatët e saj nuk paraqiten.
“Ultimatumi” i gjykatës u dha për shkak të mungesës së përsëritur në gjyq të avokatëve dhe të vetë të pandehurës.
Pasi caktoi gjobë prej 10 mijë lekësh për secilin nga dy avokatët, gjyqtarja Irena Gjoka theksoi se e pandehura Bufi do të njoftohet që, nëse në seancën e radhës nuk paraqiten ajo ose avokatët e saj, gjyqi do të vijojë në mungesë.
Procesi ndaj zyrtares vendore, e akuzuar për “përdorim të funksioneve publike për veprimtari zgjedhore”, ndodhet në fazën e konkluzioneve të mbrojtjes. Më herët, SPAK ka kërkuar deklarimin e saj fajtore dhe dënimin me 1 vit e 6 muaj burg, dënim që u ul në 1 vit për shkak të gjykimit të shkurtuar.
Në përfundim, SPAK kërkoi pezullimin e dënimit me burg dhe vendosjen e Bufit në Shërbim Prove për 2 vjet.
