Një zjarr ka shpërthyer pranë hyrjes së një hoteli në Dubai gjatë një sulmi me raketa iraniane, sipas pamjeve të ndara në rrjetet sociale.
Pamjet e verifikuara nga The Independent tregojnë momentin kur raketa godet hotelin në zonën prestigjioze Palm Jumeirah të Dubait.
⚡️ Attack on Dubai: Explosions near Burj Khalifa
An Iranian missile landed in a prestigious area on the artificial Palm Jumeirah island.
The area is home to luxurious hotels popular with Russian tourists. One of them caught fire. pic.twitter.com/GPEGtiUE2O
— NEXTA (@nexta_tv) February 28, 2026
Shpërthime janë dëgjuar gjithashtu në Bahrain, Emiratet e Bashkuara Arabe, Jordani dhe Katar, pasi Irani paralajmëroi se do të hakmerrej ndaj çdo sulmi nga SHBA-ja dhe Izraeli, të cilët kryen sulmet gjatë natës.
Mediat shtetërore iraniane raportojnë dhjetëra viktima brenda vendit pas sulmeve amerikano-izraelite, përfshirë të paktën 53 të vdekur në një shkollë për vajza dhe 15 në një sallë sportive në provincën Fars. Një person ka humbur jetën në Abu Dhabi nga rrëzimi i mbetjeve, ndërsa sirenat po dëgjohen në Izrael, ku qytetarët janë këshilluar të strehohen.
Presidenti amerikan Donald Trump konfirmoi “operacionin e madh ushtarak” në një fjalim tetë-minutësh, duke thënë se Irani nuk mund të ketë kurrë armë bërthamore.
Si pasojë e tensioneve, Irani dhe Izraeli kanë mbyllur hapësirat ajrore, udhëheqësi suprem iranian Ayatollah Ali Khamenei është transferuar në një vend të sigurt, ndërsa linjat ajrore kanë anuluar dhjetra fluturime drejt Lindjes së Mesme, përfshirë rreth gjysmën e fluturimeve drejt Katarit dhe Izraelit.
