Edhe për shkak të ngjarjes së fundit në Durrës, ku Altin Ndoci u arratis nga spitali rajonal, burgu i sigurisë së lartë të Drenovës ka përforcuar masat e sigurisë.
Në burgun e sigurisë së lartë të Drenovës, bëjnë me dije burime, është mbajtur para pak minutash një takim midis drejtorit të burgut Lorent Nake dhe shefit të policisë Rigenc Kordalli, ku titullari i institucionit të vuajtjes së dënimit ka lënë porosi të veçanta në bazë të udhëzimeve nga drejtoria e përgjithshme e burgjeve dhe ministria e drejtësisë.
Të njëjtët burime shtojnë se ka patur kontrolle të imtesishme në sektorët e paraburgimit dhe sigurisë së lartë, ku nuk janë evidentuar shkelje apo gjetur sende të palejuara në dhomat e të burgosurve.
