Shqipëria është më afër se kurrë anëtarësimit të BE tha kryeministri Edi Rama.
Nga Elbasani, gjatë një takimi me strukturat, Rama tha se 3-4 vitet e fundit do të jenë më të vështirat, që do të përkojë për përputhjen e ligjeve dhe standardeve të BE me vendin tonë.
“E nevojshme të jemi të gjithë të vetëdijshëm se këto hapa të fundit të 3-4 viteve që kem përpara janë edhe më të vështirat. Kjo sepse është faza kur duhet të përputhim të gjithë organizimin tonë shtetëror me atë të BE-së, në aspektin jo vetëm të ligjeve, por edhe të standardeve dhe ndërkohë që kjo vetëdije na duhet që ta ndjejmë këtë përgjegjësi. PS duhet të përballet pa e humbur kthjellësinë për asnjë moment dhe motivimin për të shkuar më përpara me një tërësi forcash e faktorësh që janë tërësiht kundër nesh, politikë e mediatikë, që prodhojnë e shpërndajnë në mënyrë marramendëse gënjeshtra, gjysmë të vërteta, lajme të cilat edhe kur nuk janë të pavërtetë vendosen në proporcion të zhdrejtë me realitetin”, tha Rama.
Kryeministri më tej shtoi:
“Nuk ekziston një vend me media të kapura ku 60% të hapësirës e kanë forcat kundër qeverisë. 57% e portaleve janë kundër qeverisë, ndërkohë që një pjesë tjetër janë neutral dhe njëpjesë e vogël mund të konsiderohet pro qeveritar. Është një pasqyrë që duhet ta kemi parasysh për ne dhe njerëzit tanë në të gjithqë territorin”.
