Një 28-vjeçar me probleme të shëndetit mendor shqetësoi banorët e Vlorës këtë të hënë.
Referuar policisë, i riu kishte marrë në dorë një palë gërshërë dhe një bombol gazi, duke u shndërruar kështu në rrezik për banorët në lagje “Lef Sallata”.
Për këtë arsye ata njoftuan policinë. Efektivët e gjetën 28-vjeçarin të izoluar në një lokal.
Kur pa uniformat blu, i riu kërcënoi se do të përdorte bombolën për të dëmtuar veten.
Por punonjësit e policisë bënë të mundur neutralizimin e tij. 28-vjeçari u shoqërua në spitalin psikiatrik të Vlorës.
